𝐒𝐲𝐥𝐩𝐡𝐫𝐞𝐥𝐢𝐚 (n.) /sɪlˈfrɛliə/
- 𝐀 𝐜𝐨𝐢𝐧𝐞𝐝 𝐭𝐞𝐫𝐦 𝐟𝐨𝐫𝐦𝐞𝐝 𝐟𝐫𝐨𝐦 𝐬𝐲𝐥𝐩𝐡 𝐚𝐧𝐝 𝐚𝐮𝐫𝐞𝐥𝐢𝐚;
𝐝𝐞𝐧𝐨𝐭𝐞𝐬 𝐞𝐥𝐞𝐠𝐚𝐧𝐜𝐞, 𝐥𝐮𝐦𝐢𝐧𝐨𝐬𝐢𝐭𝐲, 𝐚𝐧𝐝 𝐭𝐫𝐚𝐧𝐬𝐟𝐨𝐫𝐦𝐚𝐭𝐢𝐯𝐞 𝐯𝐢𝐭𝐚𝐥𝐢𝐭𝐲.
-
Sylphrelia，由 Sylph 同 Aurelia 演變而成。
Sylph，係風嘅精靈。佢代表自由，唔被框架束縛；佢又代表敏銳，細心將最微弱嘅聲音，化作校園入面最真實嘅改變。
Aurelia，源自拉丁文嘅「金色」，亦係海月水母嘅屬名。水母喺深海入面發出溫柔嘅螢光代表包容、堅韌、喺黑暗中依然發光發亮。
Sylphrelia，就係兩者的交匯：既自由如風，又溫柔如光。
🎐[深洋織夢 · 風鈴啟航］ೃ࿔*:･
呢個slogan正正反映咗我哋Sylphrelia成立嘅抱負。
無垠深海之中，我哋為同學與學校編織溝通橋樑——收集聲音，將零散念頭編成可行方向；
風鈴搖曳響起，我哋希望陪伴各位喺自己嘅軌道上啟程——由策劃活動、反映意見，每一步都實在而清晰。
我哋並非紙上談兵，只願成為你航程入面，嗰陣及時嘅風、嗰盞指路嘅燈。
🪼”𝐀𝐬𝐜𝐞𝐧𝐝 𝐰𝐢𝐭𝐡 𝐠𝐫𝐚𝐜𝐞, 𝐈𝐥𝐥𝐮𝐦𝐢𝐧𝐚𝐭𝐞 𝐭𝐡𝐞 𝐝𝐚𝐲𝐬”･༄ᝰ.ᐟ
我哋相信，成長未必係轟烈嘅燃燒。
佢可以好輕，似風托起翅膀，不慌不忙，順住氣流而上，每一步都踏喺自己嘅節奏入面。
佢亦都可以好靜， 似水母喺夜海入面亮起，無需成為太陽，卻令每一個平凡嘅日子，都染上金色嘅餘溫。
我哋嘅Logo同個名一樣，都融 合咗水母同風鈴嘅元素。
水母柔軟卻自有方向，喺深海之中從容前行。
佢無堅硬嘅外殼，卻無比堅韌咁適應變幻水流。
呢份柔中帶剛嘅特質，正係Sylphrelia 嘅願景：我哋唔強行主導，但從不退縮；
遇到困難時靈活應變，默默為同學提供各種活動，豐富校園生活。
風鈴通透而敏銳，隨風而動、因風而響。
我哋時刻保持開放，聆聽校園每一個角落嘅聲音，並將佢化為實質嘅行動與改變。
我哋唔做大鳴大放嘅角色，而係做一個溫柔而可靠嘅存在：
喺你迷茫時俾你方向，喺你發聲時為你傳遞，喺你啟航時陪你乘風而行。
